#navlist ul { margin-left: 0; padding-left: 0; white-space: nowrap; } #navlist li { display: inline; list-style-type: none; } #navlist a { padding: 3px 10px; } #navlist a:link, #navlist a:visited { color: #fff; background-color: #036; text-decoration: none; } #navlist a:hover { color: #fff; background-color: #369; text-decoration: none; }

Tuesday, September 27, 2011

மொபைல் வழியாக கிரகங்களுடன் வாக்கிங் போகலாம் வாங்க--


கூகிள் ஸ்கை மேப் ஆன்டிராய்டின் அருமையான மென்பொருள்


விண்வெளி துறையில் ஆர்வமுள்ளவர்களும், விண்வெளி துறையில்மில்லாதவர்கள் ஆர்வம் ஏற்படுத்திக்கொள்ளவும் உதவும் மென்பொருள் கூகிள் ஸ்கை மேப்.

அட அப்படியென்ன அதிசயம் என்கிறீர்களா?

உங்கள் மொபைலில் இருந்தபடி இந்நேரத்தில் சூரியன் கிரகம் எங்கே இருக்கும், சந்திரன் கிரகம் எங்கே இருக்கும்,  மேலும் சூரிய கிரகணத்தின் போது போது சூரியன், சந்திரன்  எங்கே உள்ளது  போன்ற எல்லா விபரங்களையும் உங்கள் மொபைல் வழியாக காணலாம்  நிகழ்நேரத்தில்....

சில நேரங்களில் பகலில் சில நட்சத்திரம் தெரியும். அந்த நட்சத்திரம் எந்த நட்சத்திரம் என்பதையும் நீங்கள் அறிந்துகொள்ளலாம்.

எப்படி சாத்தியம்...

நம்முடைய ஆன்டிராய்டு மொபைல்களில் உள்ளிணைந்த வசதியாக உள்ள ஜிபிஎஸ் கருவி துணைக்கொண்டு நம்முடைய பூகோள இருப்பிடத்தை அறிந்து அதைக்கணக்கில் கொண்டு அந்நேரத்தில் எந்தெந்த கிரங்கள் எங்கே உள்ளது என்பதை செயற்கை கோள்கள் உதவியுடன் காட்டுகிறது நம்முடைய ஆன்டிராய்டு மொபைல்.

வானத்தில் திடீரென ஒரு நட்சத்திரம் பிரகாசமாக தெரிகிறதா? உடனே ஆன்டிராய்டில் உள்ள மென்பொருளை ஆன் பண்ணுங்க... உங்களுக்கு அதியசம் தெரியும்.. ஏன்னா அது சில கிரகமாக கூட இருக்கலாம். அந்த கிரகத்து பெயர்  கூட இம்மென்பொருளில் தெரிஞ்சிடலாம் இல்லையா?

வாங்க சூரிய குடும்பத்துடன் நாம வாக்கிங் கூட போகலாம்...... :)

பிளாக்பெர்ரி, நோக்கியா, ஐபோன் என எல்லா மொபைல்களுக்கும் மென்பொருள் சேவை இருக்கிறது


https://market.android.com/details?id=com.google.android.stardroid&feature=search_result







-------------------------------------------------------------------------------------
ஒரு ரூபாயில் வெப்சைட் வேண்டுமா? உடனே தொடர்புகொள்ளுங்கள் WWW.RUPEESHOST.COM --------------------------------------------------------

Friday, September 9, 2011

வாங்க பழகலாம்!!, வெப்ஹோஸ்டிங் - 4!!

வணக்கம் நண்பர்களே!!

மீண்டும் நான்காம் பாகத்தில்உங்களை சந்திப்பதில் மிக்க மகிழ்ச்சி.....
இதுவரை வெப்சர்வர்கள், டிஎன்எஸ் சர்வர்கள், இணையம், பேண்ட்வித் என்றால் என்ன என்பது பற்றி பார்த்தோம்!!

இதுக்கு முன்னாடி நாம பார்த்தது Domain name system எனப்படும் வெப்சைட் பெயர்கள். அதைப்பற்றி விரிவாக பார்ப்போமா?

DNS பற்றி நிறைய பார்த்தோம். இந்த DNS எப்படி முழுமையாக இயங்குகிறது என்று பார்ப்போமா?

DNS பற்றி படிக்காதவர்கள் இங்கே இருந்து படிக்கலாம்...http://itnewshot.blogspot.com/2011/08/2.html

இந்த DNS முழுமையாக இயங்க கீழ்க்கண்ட பதிவுகள் அவற்றிற்கு முக்கியமாக தேவை.


A - பதிவு

இந்த A பதிவானது DNS ன் முக்கியமான அங்கம். அதாவது ஒரு இணையதளத்தின் பெயரை கொடுத்து உலாவும்போது அந்த இணையதளத்தின் ஆவணங்கள் எல்லாம் ஒரு சர்வரில் பதிந்து வைக்கப்பட்டுள்ளது. அந்த சர்வரின் IP முகவரியை இந்த A பதிவானது கொண்டிருக்கும். 

உதாரணத்திற்கு www.tamilvanigam.com என்று கொடுத்தவுடன் நம் DNS சர்வரானது tamilvanigam.com ல் உள்ள DNS பதிவுகளை படிக்கிறது. அதில் A பதிவில் உள்ள 75.126.38.186 என்ற சர்வர் ஐபி முகவரியை பார்க்கிறது. பின் அந்த முகவரியை தொடர்புகொளளும்போது அங்கே உள்ள டிஎன்எஸ் ஆனது இந்த தளம் இந்த சர்வரில் இந்த பயனருக்கான இடத்தில் இந்த போல்டரில்(கோப்புக்குள்) (உதாரணம்: http://75.126.38.186/tamilva/public_html)  வைக்கப்பட்டுள்ளது. 

இந்த 75.126.38.186 என்ற ஐபி முகவரியானது ஒரு  IPV4 முகவரியை கொண்டுள்ளது. இந்த IPV4 வரிசை எண்கள் எல்லாம் முடிந்துவிட்டதால் தற்போது IPV6 முறைமைக்கு மாறியிருக்கிறார்கள். அந்த ஐபி முகவரி 2001:0db8:85a3:0000:0000:8a2e:0370:7334 இப்படி வரும். 


ஐபி பற்றி அறிந்துகொள்ள கீழ்க்கண்ட பதிவை காணவும்
http://itnewshot.blogspot.com/search/label/%E0%AE%90%E0%AE%AA%E0%AE%BF4


AAAA - பதிவு

இந்த பதிவானது  A பதிவை போலத்தான். அவைகள் 12 டிஜிட்களுக்கு(32bit) மட்டுமே இடமளிக்கும். ஆனால் IPV6 முறைக்கு மாறியிருக்கிறார்கள். அந்த ஐபி முகவரி 2001:0db8:85a3:0000:0000:8a2e:0370:7334 இப்படி வரும்.  128 bit என்ற அளவில் இருக்கும்.

CName - Canonical name record

 என்பதேன் சுருக்கமே இந்த சிநேம்.

இந்த சிநேம் வலைபதிவர்கள் எல்லாம் அறிவார்கள். ஏனெனில் www.test.blogspot.com என்பதினை .www.test.com என்ற பெயருக்கு மாற்றம் செய்வதை நாம் அனைவரும் அறிவோம். இப்படி ஒரு இணையதள பெயரை சுருக்கியோ அல்லது ஒரு சர்வரில் இருந்து இன்னொரு சர்வருக்கோ  அதே சர்வரில் உள்ள வேறு இடத்திற்கோ மாற்றம் செய்து தருவதுதான் இந்த சிநேம். நுட்பரீதியாக நிறைய பயனளிக்க கூடியது.


MX     - Mail Exchanger Record (MX record) 

இது நம் நிறுவன பெயர்களிலோ அல்லது வேறு நிறுவனத்தின் மின்னஞ்சல் சேவைகளை பயன்படுத்துவர்களுக்கு தெரியும். நம் மின்னஞ்சல் முகவரிகள் சேமித்து வைக்கப்பட்டிருக்கும் சர்வர்கள் எங்கே இருக்கின்றன என்பதினை கொண்டிருக்கும் விபரம்தான் இந்த mx 


SOA  - Specifies authoritative information

 என்பதன் சுருக்கமே இந்த SOA
இதன் முக்கியபணி நம் வழங்கியின் பெயர் விபரம் மற்றும் அந்த வழங்கியின் தள மேலாளர் முகவரி அடங்கிய விபரம் இருக்கும்.

அடுத்த பாகத்தில் வெப் சர்வர்கள் பற்றி பார்ப்போம்!!

வெப்சைட்தொடர்பான உங்கள் கேள்விகளையும் நீங்கள் தாரளமாக கேட்கலாம்...
நன்றி!



-----------------------------------------------------------------------------------------
ஒரு ரூபாயில் வெப்சைட் வேண்டுமா? உடனே தொடர்புகொள்ளுங்கள் WWW.RUPEESHOST.COM --------------------------------------------------------

Thursday, September 1, 2011

திருக்கோயில் | கோயில்களுக்கான இலவச வலைத்தளம்!


வணக்கம் நண்பர்களே!!
விசுவல் மீடியா குழுமத்தின் சார்பில் வெளியிடப்படும் அடுத்த வெளியீடு. திருக்கோயில்.காம்

இத்தளத்தின் முக்கிய பயனே.. உலகெங்கும் உள்ள கோயில்களின் தகவல்களை ஒரே இடத்தில் திரட்டுவதே.....
-----------------------------------------------------------------------------------------------------------------
திருக்கோயில் தளத்திற்கும் வரும் வாசகர்கள் யாவருக்கும் எங்கள் கனிவான வணக்கமும் வரவேற்புகளும்….
நோக்கம்
இத்தளத்தின் முக்கியமான நோக்கம் பெருகிவரும் இணையப்பயன்பாட்டில் எல்லா துறையினரும் இணையத்தின் பயன்பாடுகளில் நேரடியாக பயன்படுத்தும் நிலை ஏற்பட்டுள்ளது. ஆனால் ஆன்மீகம் சார்ந்த தகவல்களும், கோயில்களின் தகவல்களும் கிடைக்கப்பெறாமல் இருக்கும் நிலையை மாற்றி உலகமெங்கும் உள்ள திருக்கோயில்களை திரட்டி அவைகளுக்கு தனி வலைதளத்தினை உருவாக்கிடவே இத்தளம்
பயன்
இத்தளத்தில் எல்லா கோயில்களின் தகவல்களை இணைப்பதன் வழியாக இணையத்தில் பரிகார கோயில்கள், நட்சத்திர கோயில்கள், கோவில்களின் சிறப்பம்சங்கள், வரலாற்றுத்தகவல்கள் என அக்கோயில் பற்றி தகவல்களையும், படங்களையும், காணொளி யையும் இணைக்கும் வசதியையும் ஏற்படுத்தியுள்ளோம்.
வாசர்களின் பணி

உங்களுக்கு தெரிந்த எல்லா கோயில்களுக்கும் தனி வலைப்பூவை உருவாக்கிக்கொள்ளலாம். இது போன்ற ஒரு சேவைதான்.

வணிகப்பயன்பாடா?
இத்தளம் நிச்சயம் வணிகப்பயன்பாட்டுக்காக இருக்காது. மாறாக இத்தளத்தின் மேலாண்மை மற்றும் இணைய வழங்கிக்கு ஏற்படும் செலவுகளை ஈடுகட்ட இரண்டு விளம்பரங்கள் மட்டுமே இணைக்கப்படும்.
வாருங்கள்!! ஒன்றிணையுங்கள்!!

உலகத்திருக்கோயில்களின் தகவல் களஞ்சியத்தினை தொகுப்போம்

----------------------------------------------------------------------------------------
ஒரு ரூபாயில் வெப்சைட் வேண்டுமா? உடனே தொடர்புகொள்ளுங்கள் WWW.RUPEESHOST.COM --------------------------------------------------------

தொடுவானம்- இந்திய மின்னாளுமை திட்டங்களின் முன்னோடி


வான்வெளியில் உள்ள செயற்கை கோள்களை மேலாண்மை செய்திட, பெரிய நிறுவனங்களில் உற்பத்தி பணியில் இயந்திரங்களை மேலாண்மை செய்திட , 
சேவை நிறுவனங்களில் மேலாண்மை செய்திட, இரு சக்கர வாகனங்கள் முதற்கொண்டு எல்லாவற்றிலும் கணினிகள் நுழையாத இடமில்லை. இவ்வளவு ஏன் சச்சின் டெண்டுல்கரை வீழ்த்த கூட தனியாக வியூகம் வகுக்க கூட கணினிகள் நுழைந்துவிட்டன. ஆனால் மக்களுக்கு சேவை செய்யவே தேர்ந்தெடுக்கப்படும் அரசாங்கத்தில் மட்டும் இன்னமும் முழுமையாக கணினிகள் நுழையாமல் இருப்பது மிகப்பெரிய ஆச்சர்யமே.....

ஆனால் அந்தக்குறையும் தற்போது நிவர்த்தியாகிவிட்டது... மதுரை மாவட்ட ஆட்சியர் திரு.சகாயம் அவர்கள் முயற்சியால்  அரசாங்க இயந்திரங்கள் வேகமாக இயங்க கணினி நுட்பம் பயன்படுத்தி மக்களின் குறைகளை களையவும், அலுவலர்களின் பணிச்சுமையை குறைக்கவும் கொண்டுவரப்பட்டதுதான் தொடுவானம்

ஆம் ,  உயர்திரு.மதுரை மாவட்ட ஆட்சியர் திரு.சகாயம் அவர்கள் மதுரை மாவட்ட மக்களுக்காக கிராமங்களில்இருந்தபடியே மனுக்களை நேரடியாக ஆட்சியருக்கு அனுப்பும் தொடுவானம் என்ற திட்டத்தினையும், மதுரை மாவட்ட ஆட்சியர் அலுவலகத்தில் தொடுதிரை வழியாக குறைகளை சொல்லும் திட்டத்தினையும் அமல்படுத்தியுள்ளார்.

இத் தொடுவானம் திட்டம் இந்திய மின்னாளுமை திட்டத்தின் முன்னோடி என்று தாரளமாக சொல்லலாம். அட அப்படியென்ன வசதிகள் இத்திட்டத்தில் என்கிறீர்களா? இதோ பார்ப்போம்... 

எல்லாஇடங்களிலும் கணினி பயன்படுத்துகிறோம். ஆனால் அரசாங்க இயந்திரங்களில்  கணினியை பயன்படுத்துவதால் என்ன நன்மை?

இதோ மதுரை மாவட்ட ஆட்சியர் உயர்திரு.சகாயம்  அவர்கள் சொல்கிறார்..

ஏதோ ஒரு காரணத்திற்காக ஒரு மனு கொடுக்க ஆட்சியரை சந்திக்க வரும் ஒரு விவசாயி அந்த ஒரு நாளிற்காக அவன் வேலையை விட்டுவிட்டு காசு செலவு செய்துகொண்டு தன் கூலியை இழந்து வந்து  சந்திக்கிறான்,  அது தேவையா? அவர்கள் இருக்குமிடத்திலயே மனுக்களை அளிக்கும் வசதியை ஏற்படுத்திவிட்டால் அவர்கள் வேலை இழக்கவேண்டிய அவசியம் இல்லையே.... ஊதியத்தினை இழக்கவேண்டியதில்லையே.....

என்ற அவரின் எண்ணத்தில் எழுந்த திட்டம் படிப்படியாக தமிழ்உலகம் அறக்கட்டளை சார்பாக திரு. ஆல்பர்ட் பெர்னான்டோ அவர்கள் முன்னெடுப்பில் தகடூர் கோபி அவர்களின் தலைமையில் தொடுவானம் http://www.thoduvanam.com திட்டம் முதற்கட்டமாக நாமக்கல் மாவட்டத்தில் அமல்படுத்தப்பட்டது. 

இத்தொடுவானம் திட்டம் வழியாக இணையம் வழியாக நேரடியாக மாவட்ட ஆட்சியருக்கு புகார்களையும்/ஆலோசனைகளையும் அனுப்பலாம். மேலும் மாவட்ட ஆட்சியருடன் நேரடியாக காணொளி வழியாக கலந்துரையாடலாம். இதனால் யாரும் அவரவர்கள் பணியை விட்டுவிட்டு வர வேண்டிய அவசியம் இல்லையே. ஏனெனில் கிராமங்களுக்கு 5 தன்னார்வலர்களை எடுத்து அவர்களுக்கு பயிற்சி அளித்து  அவர்கள் வழியாக அக்கிராமத்தில் உள்ள மக்கள் தங்கள் குறைகளை தொடுவானம் இணைய தளம் வழியாக மாவட்ட ஆட்சியருக்கு அனுப்பிவிடுவார்கள். பின் மாவட்ட ஆட்சியர் இதை சம்பந்தப்பட்ட அதிகாரிகளுக்கு அனுப்பி உடனுக்குடன் தீர்வு காண அனுப்பிவைப்பார். 

நேரடி  காணொளி வசதி

அதே தளத்தில் நேரடியாக ஆட்சியர் அவர்களுடனும், அதிகாரிகளுடனும் பேசி தங்கள் குறைகளையும் கூறலாம். தொழில்நுட்பத்தின் வளர்ச்சியை அரசாங்ககள் முழுமையாக பயன்படுத்தினால் கிராமங்களும் முன்னேறும். நகரங்கள் மேலும் வலுப்பெறும்..



தொடுதிரை

இதற்கெல்லாம் முத்தாய்ப்பாக ஒவ்வொரு திங்கள் கிழமையும் நடைபெறும் மனுநீதிநாளில் வரும் பல்லாயிரக்கணக்கானோர்களை சந்தித்து குறைகள் தீர்ப்பதும்் மிகப்பெரிய பணிதான். அதையும் குறைக்க மதுரை மாவட்ட ஆட்சியர் அலுவலகத்தில் தொடுதிரை(டச் ஸ்கிரின்) மூலமாகவும் குறைகள் அனுப்பலாம்.  இந்த தொடுதிரையில் அவர்கள் பெயர்களை மட்டும் கொடுத்தாலே மற்ற மனு சார்ந்த விபரங்கள் தேர்ந்தெடுத்தாலே போதும்.


அதே தளத்தில் நேரடியாக ஆட்சியர் அவர்களுடனம், அதிகாரிகளுடனும் பேசி தங்கள் குறைகளையும் கூறலாம். தொழில்நுட்பத்தின் வளர்ச்சியை அரசாங்ககள் முழுமையாக பயன்படுத்தினால் கிராமங்களும் முன்னேறும். நகரங்கள் மேலும் வலுப்பெறும்..

இதைவிட முக்கியம். நேரடியாக பேப்பர் பயன்பாடு என்பதும் அது தொலைந்துவிட்டது போன்ற சிக்கல்களும் இங்கே கிடையாது.


மிகப்பெரிய அதிசயம் !!


மாற்றுத்திறனாளிகளும் நேரடியாக தொடுவானம் தளத்தில் மனுக்களை பதியும் முறைக்காக கரூரை சேர்ந்த  முனைவர். திரு.சரவணன் அவர்கள் 50க்கும் மேற்பட்ட மாற்றுத்திறனாளிகளுக்கு  பயிற்சி அளித்தார். 



ஆனால் இதை முன்னெடுத்து செல்வது யார் என்ற கேள்விக்கு முதற்கட்டமாக மதுரைமாவட்ட ஆட்சியர் திரு.சகாயம் அவர்கள் முன்னெடுப்பு செய்துவிட்டார். இதை எல்லா மாவட்டங்களிலும் பயன்படுத்தினால் எல்லா மக்களும் பயனடைவார்கள்.... நடக்கும் என்று நம்புவோமாக...

தொழில்நுட்பம் குழுவினர்:லதானந்த், பேராசிரியர் சரவணன், துரை மணிகண்டன், நாகமணி,  தேனி சுப்ரமணியன், சுலைமான், , ராமசாமி,, திருப்பதி, மாயவரத்தான்,  திருநாவுக்கரசு, , கவிதாயினி மதுமிதா, ‘சங்கமம்’ விஜய்,  கவிஞர் துரை.ந.உ, பஜ்ரங்கபதி, ப்ரித்பால்சிங் , செல்வ.முரளி


 இணையத்தில் நிறைய தமிழ் குழுமங்கள் இருந்தாலும் சில குழுமங்கள் மட்டுமே  சமூகம் பயன்பெறும் திட்டங்களை இணையம் வழியாக செயல்படுத்த பெரும்முயற்சிகள் செய்துவருகின்றன. இதைப்போல் இன்னமும் நிறைய குழுமங்கள் இதைப்போல் சமூக பயன்பாட்டிற்கு தேவையானவற்றை செய்யவேண்டும்.

படங்கள்: சங்கமம் விஜய்
----------------------------------------------------------------------------------------------
ஒரு ரூபாயில் வெப்சைட் வேண்டுமா? உடனே தொடர்புகொள்ளுங்கள் WWW.RUPEESHOST.COM --------------------------------------------------------